આણંદ નગરપાલિકા દ્વારા શહેરના વિવિધ વિસ્તારોમાં મિશન મોડ ઉપર સ્વચ્છતા ઝુંબેશ હાથ ધરાઈ
આણંદ શહેરી વિસ્તારમાં ભારે વરસાદ બાદ સ્વચ્છતા કામગીરી કરવામાં આવી
*****
આણંદ જિલ્લામાં ગત દિવસો દરમિયાન પડેલા ભારે વરસાદને કારણે જિલ્લાના કેટલાક વિસ્તારમાં કેટલાક સ્થળોએ કચરો અને ગંદકીની સ્થિતિ સર્જાઇ જવા પામી હતી. જેને ધ્યાને લઈ આણંદ જિલ્લા કલેક્ટરશ્રી પ્રવીણભાઈ ચૌધરીની સૂચના અને માર્ગદર્શન હેઠળ જિલ્લા અને તાલુકા તંત્રની ટીમો દ્વારા ભારે વરસાદની સ્થિતિ બાદ જિલ્લાના વિવિધ સ્થળો ઉપર ફેલાયેલ કચરો અને ગંદકીને દૂર કરવાની કામગીરી હાથ ધરવામાં આવી છે. જે અંતર્ગત આણંદ નગરપાલિકા દ્વારા પણ આણંદ શહેરી વિસ્તારમાં સ્વચ્છતા ઝુંબેશ હાથ ધરવામાં આવી છે.
ઉલ્લેખનીય છે કે આણંદ નગરપાલિકાની ટીમ દ્વારા શહેરી વિસ્તારમાં વિવિધ સ્થળો, માર્ગો ઉપર સાફ-સફાઇની કામગીરી કરવામાં આવી છે. જેમાં શહેરના હરિઓમ નગર, કેદાર પાર્ક સોસાયટી, નાની ખોડિયાર પાસે આવેલ દિયા સિનેમા પાસે, આણંદ વિદ્યાનગર રોડ પર આવેલ ડોલ્ફીન રેસ્ટોરેન્ટ, વિવેકાનંદ વાડી વિસ્તાર અને લાંભવેલ રોડ પરના વિસ્તારોમાં વરસાદ બાદની સ્વચ્છતા કામગીરી કરવામાં આવી છે.
આણંદ નગરપાલિકા દ્વારા શહેરના વિવિધ વિસ્તારોમાં મિશન મોડ ઉપર સ્વચ્છતા ઝુંબેશ હાથ ધરાઈ
*****
આણંદ શહેરી વિસ્તારમાં ભારે...
Posted by Info Anand GoG on Thursday, August 29, 2024
Comments
Post a Comment