જિલ્લા કલેકટરશ્રી પ્રવીણ ચૌધરીએ બોરસદના રાસ ગામના પૂરગ્રસ્ત વિસ્તારોની મુલાકાત લીધી

જિલ્લા કલેકટરશ્રી પ્રવીણ ચૌધરીએ બોરસદના રાસ ગામના પૂરગ્રસ્ત વિસ્તારોની મુલાકાત લીધી

નાયબ મુખ્ય દંડક શ્રી રમણભાઈ સોલંકી આ મુલાકાતમાં જોડાયા આણંદ જિલ્લામાં ગતરોજ પડેલ ભારે વરસાદને કારણે ને ખાસ કરીને બોરસદ તાલુકામાં ભારેથી અતિ ભારે વરસાદ વરસ્યો હતો. ભારે વરસાદના પગલે જિલ્લાની મુલાકાતે આવેલા આણંદ જિલ્લાના પ્રભારી મંત્રીશ્રી ઋષિકેશ પટેલે કાંસની સાફ સફાઈની બાબતને અગ્રીમતા આપી કાર્યવાહી કરવા જણાવ્યું હતું. જે અન્વયે કલેકટર શ્રી પ્રવીણ ચૌધરીએ આજે બોરસદ તાલુકાના રાસ ગામના નિચાણવાળા વિસ્તારો, અસરગ્રસ્ત લોકોની રૂબરૂ મુલાકાત કરી હતી. આ વેળાએ તેમની સાથે બોરસદના ધારાસભ્ય શ્રી અને વિધાનસભાના નાયબ મુખ્ય દંડક શ્રી રમણભાઈ સોલંકી પણ જોડાયા હતા. કલેક્ટરશ્રીએ ગ્રામજનો સાથે સંવાદ કરી તાલુકાઓમાં આવેલ વિવિધ કાંસની સિંચાઇ વિભાગ દ્વારા સત્વરે સાફ – સફાઈની કામગીરી હાથ ધરવામાં આવશે તેમ ભારપૂર્વક જણાવ્યું હતું.. તેમણે પૂરગ્રસ્ત વિસ્તારોમાં જઈને લોકો સાથે સંવાદ કરીને પાણી ભરાવવાની સમસ્યાનું સત્વરે નિકાલ કરવાની હૈયાધારણા પણ આપી હતી. *****